生力啤妹
睇左電影《傷城》, 其中金城武溝左生力啤妹舒淇, 令我記番起一幕好搞鬼既真人真事。
上周四(21/12/2006)晚同 Jason 去某一間酒吧談心, 一位真係好靚好靚既生力啤酒妹埋黎sell生力啤, 我抬頭一望…
嘩! 唔係下話! 靚得咁交關gei?
我從 Jason 既眼中都睇得出佢心中都在媽媽聲! 有乜理由咁靚既女仔會做啤妹架? 睇佢個樣頂多廿二歲, 話十八歲我都信!
我記得早排去旺角西洋菜街, d 相機公司求其搵幾個靚女宣傳已經令到條街塞晒, 如果呢位靚女去到西洋菜街, 肯定d 影相佬狂影都似!
我同Jason本來次次都飲 Budweiser, 但係果晚對Budweiser一次不忠都要喇, 我地叫左半打生力。
同 Jason 成晚吹水期間我既目光都間歇地被生力啤妹像磁鐵咁吸左去, 我諗每隔二、三十秒左右, 我既眼球都在找尋呢位啤妹。
間中我同啤妹四目交投, 佢向我投以職業性微笑。
我當然冇表錯情, 呢d啤妹向客人微笑同搭訕係佢地職責之一, 搞到個客開心, 客人柯打多半打, 佢又賺多d。
只有傻仔至會對呢d啤妹動了凡心, 情形就好似唔少坐經濟倉既乘客對空姐既友善微笑有錯誤既理解一樣。 空姐同你禮貌地笑下遮, 邊有咁易鍾意你丫, 你估你係吳彥祖咩?
個啤妹成晚都好勤力咁四圍 sell 生力啤, 我見好多桌客人都有幫襯, 佢今晚 (應該係晚晚) 生意應該都幾好吧。
不過我見佢兜黎兜去, 都冇乜同d客傾偈, 加上個場都唔係好大, 亦唔見得好多客出入, 間中收下樽, 斟下酒畀人, 雖然好專業, 但係我驚佢會好悶。
渣估在我見猶憐之下, 就趁啤妹幾次埋黎斟酒既時候都同佢搭下爹。
Jason 話我好犀利, 雖然佢都係老闆級人馬, 但係見到靚女都唔係咁敢主動開聲搭訕。
我點醒佢 ：「一黎靚女唔會食人; 二黎同客人傾偈係佢既職責喎。你肯同佢傾下偈, 顯示出佢受歡迎, 佢都會開心。」
「咁又係…」Jason 開始認同渣估。
「大前題係, 我地著住整齊西裝, 談吐又斯文, 又冇摸手摸腳, 眼神又唔猥瑣。咁既look 行入中環都唔失禮 (哈哈!) 」
「哈哈! 你都幾搞笑!」
「你諗下, 我地都畀左錢, 點解唔盡量獲取最大既回報呢? 齋飲生力不如去七仔買番上我公司飲?」
「仲有, 唔駛唔好意思, 人地套黃色膠衫咁靚, 即管學我起勢望餐飽啦! 正所謂秀色可餐丫嘛! 況且, 我諗我地都從來未見過咁靚既啤妹卦!」
我講到興起, 好似壯晒膽一樣! 竟然舉手叫啤妹埋黎, 我問佢叫乜名, 原來佢叫做 Barbie。
呢個時候我無賴地伸手出去, 我即刻讓陳永仁(梁朝偉飾; 響《無間道》俾林家楝一鎗打死左)上身, 伸出我既右手, 說：
「Tony… Nice to meet you.」
Barbie 自動自覺就伸手同我握手勒。
我發覺要同女仔握手真係好易架咋, 呢個都唔係咩野心理關口黎。Just Do It, 伸隻手出去, 就係咁簡單, 有冇面帶微笑都唔重要! 但記得要講 “Nice to meet you!”
Barbie 隻手仔真係好滑, 佢話我知以前係做化粧品既 sales, 轉左做啤妹大半年, 工作需要佢周圍去, 每間酒吧大約做五日左右, 就會調去另一間。
一晚平均做五小時左右, 一個月都搵成皮鬆d, 除以時薪, 算係好pay 架喇。
我仲未放開手, 笑住話：「Barbie 你好犀利呀! 一個女仔周圍走, 又唔怕陌生人, 好叻呀你!」
佢笑笑口, 好似好開心咁喎。真係一笑傾城果隻。「多謝!」
渣估既良知開始發聲：「好放番人隻手喇。」
「你地附近返工架? 」Barbie 笑問。
「係呀! 飲完野仲要返上去搏殺多一陣架! 而家係中場休息咋!」佢梗係見我同Jason著晒西裝, 似好人多過古惑仔, 好似特別友善咁。
「嘩咁辛苦架? 唔係收五點架咩?」Barbie 一定係未做過寫字樓工。
我話：「梗係未啦! 我老闆好變態架! 成日會八點幾打番公司, check 下邊個伙記仲響度!」
Jason 幾乎噴啤酒!
我同佢交流左一個曖昧、但足以令佢明白既堅定眼神, 示意佢唔好踢爆, 一踢爆就唔好玩!
「咁衰格既你老闆!」
「係呀! 係呀! 我用人格擔保佢公司個老闆超級衰格架!」 睇黎Jason 都開始入戲。
我扮野急急起身周圍望, 扮睇下「老闆」有冇黎到, 然後同 Barbie 講：
「直情無良啦佢! 你呢? 你老頂錫唔錫你架?」我問。
「錫架!」 Barbie 笑得真係好靚, 我打死都唔信佢會做好耐啤妹! 因為我已經想緊辦法拯救佢出呢個火坑。
「咁你收幾點架? 住得遠唔遠呀Barbie?」
「做野先, 轉頭再傾下!」 佢冇答我。
難得我又鍾意咁樣, 訓練下自己耐性, 幾好玩。
就係咁樣, Barbie 就來來回回同我和 Jason 傾左六七輪!
每次Barbie 行番開去招呼其他食客、而我目光又接觸番 Jason既時候, 我都有一種少少失落既感覺。
詭異既係, 我從 Jason 既目光之中, 睇得出佢都萌生左同我爭女既衝動。
做兄弟既, 唔應該咁個喎….
Jason 同我都係工作狂, 又係單身。 唯一唔同既, 我係情場逃兵既「自願單身」, 而 Jason係俾女飛既「被迫單身」, 心態上係兩種唔同既檔次, 我高層次少少。
Jason 繼續同我講番佢公司走左四個伙記既救火故事, 但係我已經冇乜心機聽, 只係等住啤妹 Barbie 下一次泊番隻船埋黎我地呢張桌, 同我地兩個寂寞漢子傾偈。
我唔貪心架, 第一次識, 傾下偈、渣下手仔夠架喇。
期間有其他伙記埋黎想斟酒畀我, 我都用隻手擋住, 因為我等緊 Barbie 下一輪埋黎斟酒既時刻。
佢又黎了。
「Barbie, 你有冇諗過做寫字樓工呀? 我老闆好似話想請多個秘書喎! 不如你黎見下丫? 好過響呢d 品流複雜既地方做喎…」
Jason 眼都大埋, 佢個腦諗野原來好大聲, 俾我聽到… 「渣估 ── 你老闆丫 ── 仲品流複雜啦!」
「我乜都唔識個喎…」Barbie 好似有d 興奮。
「咁打字識唔識丫?」我腦中開始搜索 interview 既 run down了…
「的咁多啦… 以前都有玩過下 ICQ…」
「Excel 得唔得丫?」 呢樣我估佢未必掂。
「用過, 不過唔係好熟。」 通常咁講即係唔識。
「唔緊要啦, 放工之後我可以同你補補既! 咁國語 O 唔 OK?」
「E 班啦 (一般啦)!」
「我 A 班既, 等我得閑教你呢個 E 班同學啦!」我扮晒風趣! 難得佢又笑! 真係幾 pro 喎!
上周四(21/12/2006)晚同 Jason 去某一間酒吧談心, 一位真係好靚好靚既生力啤酒妹埋黎sell生力啤, 我抬頭一望…
嘩! 唔係下話! 靚得咁交關gei?
我從 Jason 既眼中都睇得出佢心中都在媽媽聲! 有乜理由咁靚既女仔會做啤妹架? 睇佢個樣頂多廿二歲, 話十八歲我都信!
我記得早排去旺角西洋菜街, d 相機公司求其搵幾個靚女宣傳已經令到條街塞晒, 如果呢位靚女去到西洋菜街, 肯定d 影相佬狂影都似!
我同Jason本來次次都飲 Budweiser, 但係果晚對Budweiser一次不忠都要喇, 我地叫左半打生力。
同 Jason 成晚吹水期間我既目光都間歇地被生力啤妹像磁鐵咁吸左去, 我諗每隔二、三十秒左右, 我既眼球都在找尋呢位啤妹。
間中我同啤妹四目交投, 佢向我投以職業性微笑。
我當然冇表錯情, 呢d啤妹向客人微笑同搭訕係佢地職責之一, 搞到個客開心, 客人柯打多半打, 佢又賺多d。
只有傻仔至會對呢d啤妹動了凡心, 情形就好似唔少坐經濟倉既乘客對空姐既友善微笑有錯誤既理解一樣。 空姐同你禮貌地笑下遮, 邊有咁易鍾意你丫, 你估你係吳彥祖咩?
個啤妹成晚都好勤力咁四圍 sell 生力啤, 我見好多桌客人都有幫襯, 佢今晚 (應該係晚晚) 生意應該都幾好吧。
不過我見佢兜黎兜去, 都冇乜同d客傾偈, 加上個場都唔係好大, 亦唔見得好多客出入, 間中收下樽, 斟下酒畀人, 雖然好專業, 但係我驚佢會好悶。
渣估在我見猶憐之下, 就趁啤妹幾次埋黎斟酒既時候都同佢搭下爹。
Jason 話我好犀利, 雖然佢都係老闆級人馬, 但係見到靚女都唔係咁敢主動開聲搭訕。
我點醒佢 ：「一黎靚女唔會食人; 二黎同客人傾偈係佢既職責喎。你肯同佢傾下偈, 顯示出佢受歡迎, 佢都會開心。」
「咁又係…」Jason 開始認同渣估。
「大前題係, 我地著住整齊西裝, 談吐又斯文, 又冇摸手摸腳, 眼神又唔猥瑣。咁既look 行入中環都唔失禮 (哈哈!) 」
「哈哈! 你都幾搞笑!」
「你諗下, 我地都畀左錢, 點解唔盡量獲取最大既回報呢? 齋飲生力不如去七仔買番上我公司飲?」
「仲有, 唔駛唔好意思, 人地套黃色膠衫咁靚, 即管學我起勢望餐飽啦! 正所謂秀色可餐丫嘛! 況且, 我諗我地都從來未見過咁靚既啤妹卦!」
我講到興起, 好似壯晒膽一樣! 竟然舉手叫啤妹埋黎, 我問佢叫乜名, 原來佢叫做 Barbie。
呢個時候我無賴地伸手出去, 我即刻讓陳永仁(梁朝偉飾; 響《無間道》俾林家楝一鎗打死左)上身, 伸出我既右手, 說：
「Tony… Nice to meet you.」
Barbie 自動自覺就伸手同我握手勒。
我發覺要同女仔握手真係好易架咋, 呢個都唔係咩野心理關口黎。Just Do It, 伸隻手出去, 就係咁簡單, 有冇面帶微笑都唔重要! 但記得要講 “Nice to meet you!”
Barbie 隻手仔真係好滑, 佢話我知以前係做化粧品既 sales, 轉左做啤妹大半年, 工作需要佢周圍去, 每間酒吧大約做五日左右, 就會調去另一間。
一晚平均做五小時左右, 一個月都搵成皮鬆d, 除以時薪, 算係好pay 架喇。
我仲未放開手, 笑住話：「Barbie 你好犀利呀! 一個女仔周圍走, 又唔怕陌生人, 好叻呀你!」
佢笑笑口, 好似好開心咁喎。真係一笑傾城果隻。「多謝!」
渣估既良知開始發聲：「好放番人隻手喇。」
「你地附近返工架? 」Barbie 笑問。
「係呀! 飲完野仲要返上去搏殺多一陣架! 而家係中場休息咋!」佢梗係見我同Jason著晒西裝, 似好人多過古惑仔, 好似特別友善咁。
「嘩咁辛苦架? 唔係收五點架咩?」Barbie 一定係未做過寫字樓工。
我話：「梗係未啦! 我老闆好變態架! 成日會八點幾打番公司, check 下邊個伙記仲響度!」
Jason 幾乎噴啤酒!
我同佢交流左一個曖昧、但足以令佢明白既堅定眼神, 示意佢唔好踢爆, 一踢爆就唔好玩!
「咁衰格既你老闆!」
「係呀! 係呀! 我用人格擔保佢公司個老闆超級衰格架!」 睇黎Jason 都開始入戲。
我扮野急急起身周圍望, 扮睇下「老闆」有冇黎到, 然後同 Barbie 講：
「直情無良啦佢! 你呢? 你老頂錫唔錫你架?」我問。
「錫架!」 Barbie 笑得真係好靚, 我打死都唔信佢會做好耐啤妹! 因為我已經想緊辦法拯救佢出呢個火坑。
「咁你收幾點架? 住得遠唔遠呀Barbie?」
「做野先, 轉頭再傾下!」 佢冇答我。
難得我又鍾意咁樣, 訓練下自己耐性, 幾好玩。
就係咁樣, Barbie 就來來回回同我和 Jason 傾左六七輪!
每次Barbie 行番開去招呼其他食客、而我目光又接觸番 Jason既時候, 我都有一種少少失落既感覺。
詭異既係, 我從 Jason 既目光之中, 睇得出佢都萌生左同我爭女既衝動。
做兄弟既, 唔應該咁個喎….
Jason 同我都係工作狂, 又係單身。 唯一唔同既, 我係情場逃兵既「自願單身」, 而 Jason係俾女飛既「被迫單身」, 心態上係兩種唔同既檔次, 我高層次少少。
Jason 繼續同我講番佢公司走左四個伙記既救火故事, 但係我已經冇乜心機聽, 只係等住啤妹 Barbie 下一次泊番隻船埋黎我地呢張桌, 同我地兩個寂寞漢子傾偈。
我唔貪心架, 第一次識, 傾下偈、渣下手仔夠架喇。
期間有其他伙記埋黎想斟酒畀我, 我都用隻手擋住, 因為我等緊 Barbie 下一輪埋黎斟酒既時刻。
佢又黎了。
「Barbie, 你有冇諗過做寫字樓工呀? 我老闆好似話想請多個秘書喎! 不如你黎見下丫? 好過響呢d 品流複雜既地方做喎…」
Jason 眼都大埋, 佢個腦諗野原來好大聲, 俾我聽到… 「渣估 ── 你老闆丫 ── 仲品流複雜啦!」
「我乜都唔識個喎…」Barbie 好似有d 興奮。
「咁打字識唔識丫?」我腦中開始搜索 interview 既 run down了…
「的咁多啦… 以前都有玩過下 ICQ…」
「Excel 得唔得丫?」 呢樣我估佢未必掂。
「用過, 不過唔係好熟。」 通常咁講即係唔識。
「唔緊要啦, 放工之後我可以同你補補既! 咁國語 O 唔 OK?」
「E 班啦 (一般啦)!」
「我 A 班既, 等我得閑教你呢個 E 班同學啦!」我扮晒風趣! 難得佢又笑! 真係幾 pro 喎!
「係呢, 你平時收工喜歡做d咩野咁架? 」呢條係我 interview 必問既killer question!
「多數湊女!」Barbie 笑得好燦爛。
「下!!?? 湊女??」我同 Jason 大叫!
Jason 即刻問左個我因為弱小心靈受到太大震撼而唔能夠再講到野、但係個心都問左既問題：「Barbie 姐你幾多歲呀? 」
「28!」
我知佢點解笑得咁燦爛了, 就係睇見我地既反應呀陰公, 我估佢平日都有唔少客人問佢既年齡, 一知佢原來已經結左婚, 仲做埋人阿媽既時候, 見到客人既失望表情一定好好玩!
我同 Barbie 傾多兩三句, 得知佢真係結左婚, 有個一歲既女, 我既聲線語調已經出賣左我, 想扮大方都唔得, 果剎那真係謝過謝霆鋒!
「咁你公司響邊處架? 」Barbie 問。
我即時變臉：「唔呃你勒, 其實我地係做傳銷既, 想搵 d 下線, 你有冇興趣丫?」
a 渣估 b 19:10
24 段留言:
28歲似18歲？請問間bar係邊呀？係佐敦附近？
哈哈哈~
大家既轉數，果然極速呀下~
D.
又係出依招「奇兵突出」...正!哈哈...「湊女」，果然係一個超級正既理由...
不過，28歲靚女都唔係問題，結左婚就真係無得攪...可惜可惜...不過兩位老闆都唔使緊急殺煞車煞得咁誇張呀...
等我果邊繼續寫...遲d就可以介紹一下AK係棉登徑既主場「中童吧」...
車，話唔埋係單襯個啲呢
如果真係咁靚，買一送一喎
我又唔介意呀，話唔定佢個女仲好 Q 添﹗
不過唔好話我知.. 個啤妹.. 就係 Elaine 呀……
哈哈哈哈....
扺死！
不過湊女和歲數可能係避狼藉口，可能佢想專心賺錢呢！
哈哈!笑死我，我己成為你忠實擁躉，你D故仔就係好睇過蘋果嘅"中環托派"，係欠左D情慾描寫啫...
又唔洗咁快變臉嘅，可能人地有個妹呢，又或者佢老公要得佢出黎做啤妹，可能有不為人知的故事，等待你去發掘呀!
無聊時來看看這些blog也覺很有趣.. 但是這次渣沽好像出賣了朋友jason,原來單身也有這麼多不同的檔次..frankly初初看見你說自己像吳彥袓和八lern金(想必他們的remix版一定很騎呢.)加上upload了一幅曹渣理的相.. 真的以為你寫的是yellow novle的. =p
但睇睇下又幾搞笑.. 那篇分身系列的沾士很有真實感..
笑鬼死我
幾時開媾女速成班俾我哋學下嘢呀？
真係"咖"一聲笑左出來!!!
不過同意壞心眼所講, 可能作定D籍口來擋客呢.
re 壞心眼, 嘉林邊道
"我同 Barbie 傾多兩三句, 得知佢真係結左婚, 有個一歲既女,"
渣老闆又點會諗唔到呢
我比較想知果兩句係乜野
E班啦。A班啦。
搞爛gag?哈哈。
o乜原來呢個世界仲有單身男子o架!我以為....
亞渣生不如真係搵Barbie姐做你前線員工啦,啲客見到醒神啲,生意都可能會多啲!話晒寫字樓工對一位媽咪黎講,都穩定過賣啤酒!
very amusing, thanks a lot =)
渣估, 我個人好怕羞,你可否教下我點樣可以令面皮加厚一千寸?
我覺得你個樣好似陳偉強咁靚仔
渣老闆, 聖誕食咗好多嘢牙？肥咗喎.
no photo no talk
真係笑鬼死呀...不過正如大家所講, 你真係請佢都唔壞喎, 28做得啤妹應該真係好靚女吓喎....
今年是我首個單獨過的聖誕節，看你的blog是我唯一的節目．你就像天使一樣．謝謝您．
時間所限, 抽樣回應: ^^
chauchanbb said: "你D故仔就係好睇過蘋果嘅"中環托派"，係欠左D情慾描寫啫..."
-- 其實渣估都想寫少少情慾故事,到而家都唔多見有香港blogger 寫情慾故仔, 可能怕自毀形象卦。 不過我都冇乜形象可言...
ak 哥: 我幾鍾意你寫d 野, 不如你寫情慾故仔先啦! 細佬殿後...
杜b 哥: 其實"溝女速成法"已經有人寫過, 而且仲係一班實戰高手黎。不過太勁, 我認為咁堅既料唔應該隨便公開, 會有好多無辜少女受害。 我都係想保護d 小妹妹, 望你會見諒。
Donald Tsang: 我可能係第一個俾特首讚既博客喎!? 多謝曾雀士。
David said, "渣估, 我個人好怕羞,你可否教下我點樣可以令面皮加厚一千寸?"
-- 我驚你入唔到升降機喎...
火柴妹妹: 終於俾你識穿左我身份, 冇錯, 我就係人稱"佐敦墮落天使" 既Tony Jar。 好開心你鍾意睇我既blog! 有時間睇埋blogroll d MTV 丫! 我間中會睇果d MTV 黎kill time.
訓覺了。 Goodnight... 希望大家都過左一個難忘既聖誕節吧!!
笑死我了 我只係經過衣到 nice to meet you hahaha ;)
成日睇你呢個blog，成日都有衝動想留言架嗱，今次係第一次。
我真係自己一條友係屋企大笑左五聲‧‧‧好掂！
good blog,i like it.
張貼意見
Links
建立連結
<< Home