風筒驚魂

早幾日蘋果日報刊登一段中國內地遊客在外國旅行既劣行, 有d係真係好離譜, 有d 就只係文化差異所做成既笑料。

渣估覺得幾好笑, 但只係從一個好抽離、暫時放下自己中國人身份既超然角度去讀呢d報導, 加上蘋果日報一向"新聞娛樂化"既報導手法, 對我呢類好多時都唔認真既人黎講, 真係幾好笑。

應該會有唔少中國人對呢篇報導好反感, 不過好在香港係言論自由既地方, 容納到唔同既聲音同觀點, 咁至係香港相比大陸其中一樣可貴既地方。

渣估無意嘲笑內地人既衰野, 因為我在外國生活過既一段短暫日子裡, 都見過唔少香港人(包括自己) 出洋相既醜態, 畢竟禮儀既野如果唔係由細學起的話, 有時當眾出左醜都唔知。

記得有一次渣估去香港一間都算高檔既桑拿浴室沖涼, 鬆晒骨之後, 圍住條毛巾返回更衣室吹頭, 旁邊有條大陸佬又係吹頭, 我仲一顯香港人好客之道既精神, 同佢微笑一下, 佢亦好有禮貌咁回以一笑。

大家都只係圍住條毛巾, 幾乎坦蕩蕩…

咁我地就繼續各自各吹頭, 點知條大陸佬吹完頭之後, 仲吹埋下面個頭 !

只見佢好冇保留咁打開條毛巾, 一手就將風筒往下面個頭係咁吹!　

我驚鴻一瞥，只見佢下面既毛髮都好濃密下，都明白單用毛巾唔易抹乾既物理常識。

我好似個淑女望見d 唔應該見到既野咁，超快地拎番轉頭, 望住鏡中自己一臉驚訝既神情, 心中爆左句 DLS!

鬼唔望佢個風筒走火，燒燶佢個袋!


節 錄
中 國 遊 客 在 境 外 的 不 文 明 行 為　（28/12/2006 Apple Daily）

梵 蒂 岡 ： 在 教 堂 外 蹲 在 地 上 ， 用 汽 水 蓋 喝 起 自 攜 的 白 酒 來
香 港 ： 讓 小 朋 友 在 迪 士 尼 的 花 盆 等 地 方 隨 處 大 小 便
英 國 ： 遊 大 英 博 物 館 時 粗 魯 觸 碰 展 品 ， 並 亂 拋 垃 圾
澳 洲 ： 半 夜 在 酒 店 大 堂 內 練 太 極
莫 斯 科 ： 不 肯 付 領 隊 小 費 ， 在 飯 店 內 公 然 大 打 出 手
歐 洲 ： 被 形 容 為 暴 發 戶 ， 買 一 包 香 煙 也 用 500 歐 元 大 鈔
新 加 坡 ： 在 酒 店 吃 自 助 餐 時 將 可 取 走 的 食 物 全 掃 光
泰 國 ： 拿 走 客 機 上 的 耳 機 、 毛 氈 等 ； 海 邊 餐 廳 用 餐 ， 男 子 當 眾 換 泳 褲 ， 女 子 脫 剩 內 衣 暢 泳
法 國 ： 羅 浮 宮 禁 止 拍 照 的 油 畫 ， 一 樣 照 拍 ， 並 大 聲 喧 嘩